Кыргызстанда Жеңиштин 80 жылдыгын белгилөөгө даярдыктар башталды
Кыргызстанда Жеңиштин 80 жылдыгын белгилөөгө даярдыктар башталды. 9-майга арналган иш-чараларды даярдоо жана өткөрүү боюнча уюштуруу комитетинин жыйыны өттү.
Президенттик аппаратта Жеңиш майрамынын алдында өтө турган салтанаттуу жана майрамдык иш-чараларды, илимий-билим берүү конференцияларын жана тематикалык көргөзмөлөрдү уюштуруу жана өткөрүү боюнча иш-чаралар планы каралды.
«Кыргызстан фашизмге каршы күрөшкө жана Улуу Жеңишке жетишүүгө чоң салым кошту. Аталарыбыз менен чоң аталарыбыздын, фронттогу жоокерлердин бийик патриоттук духу, тыл эмгекчилеринин бекем эрки биригип, чоң күчкө айланды. Эрдиги жана баатырдыгы кылымдан кылымга, муундан-муунга өткөн үлгү болуп кала бере турган адамдардын жашоо шартын жакшыртуу үчүн колдон келгендин баарын кылышыбыз керек. Биз ошол каргашалуу согуштун ардагерлеринин жана тыл эмгекчилеринин эрдиктерин эстен чыгарбашыбыз керек», — деди министрлер кабинетинин башчысынын орун басары Эдил Байсалов.
