Жаңы жыл. Жаратылыш министрлиги кыргызстандыктарды балатыларды кыйбоого чакырды
Экология, жаратылыш ресурстары жана техникалык көзөмөл министрлиги кыргызстандыктарды жаңы жылдык майрамдарга карата жасалгалоо жана даярдануу үчүн балатыларды кыюудан баш тартууга чакырып, экологиялык жактан таза альтернативаларды тандоону сунуштайт.
Ведомство жаңы жыл алдында ийне жалбырактуу дарактарды үйлөрдү жасалгалоо үчүн кыйган фактылар көбөйүп жатканын белгиледи. Бул экосистемага олуттуу зыян келтирет.
Жаратылыш ресурстары министрлиги жарандардан аларды кийинчерээк бакчага отургузуп же токойго кайтарып алууга мүмкүн болгон карападагы жаңы жылдык балатыларга алмаштырууну, же болбосо жасалмаларын сатып алууну өтүнөт.
Балатыны 3-5 метрге чейин өстүрүү үчүн эң аз дегенде 20-30 жыл керек экенин адистер эске салышты.
Жаратылыш ресурстар министрлиги ар бир кыйылган же зыянга учураган дарак үчүн дарактын жашына жана сөңгөгүнүн диаметрине жараша 381 сомдон 1271 сомго чейин айып пул каралганын өлкө тургундарына маалымдайт.
