Кытай Кыргызстанга тогуз айда 221 миллион доллар инвестиция салды
Кыргыз-кытай консультациялык жолугушуусунда Улуттук инвестиция агенттигинин директорунун орун басары Дамирбек Бикулов Кытай 2024-жылы канча инвестиция салганын айтып берди. Бул тууралуу аталган башкармалык билдирди.
Үстүбүздөгү жылдын тогуз айында Кыргызстанга келген Кытай инвестициясынын көлөмү 221,5 миллион долларды түздү.
«Ошондой эле Кытай-Кыргызстан-Өзбекстан темир жолу Кыргыз Республикасы аркылуу өтүп, КЭР-Батыш Азия-Европа жолу аркылуу Чыгыш менен Батышты бириктирип, дүйнөлүк рынокко чыгуучу эң кыска жол болуп каларын белгилей кетүү маанилүү. Бул евразиялык транспорт тармагынын түзүмүн өзгөртөт жана келечекте Улуу Жибек жолунун кайра жаралуусунун символу болот», — деди Дамирбек Бикулов.
Өз кезегинде кытайлык ишкерлер Кыргызстандын инвестициялык мүмкүнчүлүктөрүнө кызыгып, эки тараптуу мамилелерди чыңдоо жана эки өлкөнүн ортосундагы өз ара аракеттенүүнүн деңгээлин жогорулатуу ниетин ырасташты.
