Ташиевди коркутуулар: кармалган адам күнөөсүн мойнуна алды, тергөө уланууда
Бүгүн, 17-декабрдагы маалымат жыйынында УКМКнын төрагасы Камчыбек Ташиев ага коркутуу катын жөнөткөн адам боюнча иштин чоо-жайын айтып берди.
Ташиевдин айтымында, кармалган адам күнөөсүз эмес жана анын күнөөсү кылмыш ишинин бардык материалдары менен тастыкталган.
«Анын күнөөсү видеоматериалдар менен далилденген. Ал бул катты баласынын компьютерине терип, мени коркутуу үчүн жасаганын мойнуна алды», — деди Ташиев.
УКМКнын башчысы ошондой эле кармалган адам Чыныбай Акуновдун жубайы менен беш жолу жолукканын белгиледи.
«Бизде бардык далилдер бар. Бирок бул анын буйругубу же жокпу аныктай элекпиз», — деп баса белгиледи Ташиев.
Эске сала кетсек, 20-ноябрда УКМКнын башчысы Камчыбек Ташиев маалымат жыйынын өткөрүп, ага жана анын үй-бүлөсүнө коркутуулар жазылган кат келгенин билдирген.
25-ноябрда атайын кызмат Камчыбек Ташиевге коркутуулар жазылган каттын авторун таап, кармаган.
Ал Ж.А.С аттуу жаран болуп чыкты, ал мурда эки жолу соттолгон, аскердик учкуч билими бар, кийинчерээк Афганистандын чек арасында чектелген аскердик контингенттин курамында кызмат өтөп, согуштук тажрыйбага жана кутумчулук чеберчилигине ээ болгон. 1994-жылдан бери Ж.А.С. Кыргыз Республикасынын Куралдуу Күчтөрүндө кызмат өтөгөн.
