11:03, 13 декабря 2024, 24.kg
Бишкекте Садыр Жапаровдун катышуусунда футзал боюнча «Мурас» турнири өтөт
14-15-декабрда Бишкекте салттуу «Мурас» достук турнири өтүп, ага ар кыл тармактын өкүлдөрүнөн чогулган 16 команда катышууда. Бул тууралуу Кыргыз Республикасынын Футзал Ассоциациясы Instagram баракчасында билдирди.
Маалыматка ылайык, турнирге Кыргызстандын президенти Садыр Жапаров да катышат.
Оюндарды КТРК Спорт жана ЭлТР телеканалдары түз алып көрсөтөт.
Мурас турниринин матчтарына бардык каалоочулар келе алышат.
Белгилей кетсек, мелдештин негизги максаты өлкөдө спортту өнүктүрүү жана сергек жашоо образын жайылтуу болуп саналат.
0
