Паралимпиадачылар жеңиш үчүн президент убада кылган материалдык жардамды күтүшөт
Жогорку Кеңештин Бюджет, экономикалык жана фискалдык саясат боюнча комитетинин жыйынында депутат Эльвира Сурабалдиева майып спортчуларды аэропорттон тосуп алганын, алар 2022-жылы өтө турган Паралимпиада оюндарына барар алдында президент менен жолукканын айтышканын билдирди.
«Алардын айтымында, башка спортчуларга сыяктуу эле байге фондусу берилерин айтышкан. Алар Олимпиададан бир алтын, беш күмүш жана эки коло медаль алып келишти. Азыр бул балдар жана алардын машыктыруучулары колдоо сурап, жок дегенде мотивация сурап жатышат. Башкаларга караганда аларга кыйыныраак. Алар жеңиш алып келишти. Аларды башка спортчулардай тосуп алышпайт жана материалдык жактан да сыйланышпайт. Бирок бул сөздөр айтылган болсо, анда аткарылышы керек», — деди Сурабалдиева.
Ал бул маселени чечип берүү өтүнүчү менен Маданият, маалымат, спорт жана жаштар саясаты министри Алтынбек Максүтовго кайрылган.
