12:23, 02 декабря 2024, 24.kg
Аламүдүндөгү «Унаа» бөлүмү эми эки нөөмөт менен иштейт
Элебесова көчөсү, 206 дарегинде жайгашкан Транспорттук каражаттарды жана айдоочулук курамды каттоо боюнча мамлекеттик агенттиктин Аламүдүн району боюнча бөлүмү эми жарандарды эки нөөмөт менен тейлейт.
Унаанын басма сөз кызматы билдиргендей, бөлүм саат 8.00дөн 1.00гө чейин иштейт.
Мындай чечим күнү-түнү иштеген «Биримдик 24» башкармалыгынын аймагында жүктөмдү азайтуу, кезек күтүүлөрдү жана тыгындарды болтурбоо максатында кабыл алынды.
Жарандар үчүн шарттарды жакшыртуу жана каттоо бөлүмдөрүнүн ишинин сапатын жогорулатуу стратегиясынын алкагында буга чейин Рио автобазарынын аймагындагы Военно-Антоновка айылындагы аймактар аралык бөлүмдө да эки нөөмөттүү иш тартиби киргизилген.
0
