18:15, 27 ноября 2024, 24.kg
Саламаттык министрлиги боорду алмаштыруу операциялары үчүн жабдуулар сатып алган
Кыргызстандын Саламаттыкты сактоо министрлиги боорду алмаштыруу операциялары үчүн 100 миллион сомдук жабдууларды сатып алды. Бул тууралуу мекеменин жетекчиси Алымкадыр Бейшеналиев парламент жыйынында билдирди.
Анын айтымында, үч оорукана боорду алмаштыруу боюнча операцияларды жасоого даяр. Булар Бишкек мамлекеттик кыргыз-түрк достугу ооруканасы, Улуттук хирургия борбору жана Ош шаардык ооруканасы.
Алымкадыр Бейшеналиев кошумчалагандай, ОшМУнун клиникасы боорду алмаштыруу боюнча операцияларды жасайт.
Июнь айында Кыргызстанда боорду бекер алмаштыруу операциялары башталган. Процесс толугу менен Президенттик фонд тарабынан каржыланат.
0
