Жеңиштин 80 жылдыгын майрамдоого даярдык көрүү боюнча уюштуруу комитети түзүлдү
Кыргызстанда Жеңиштин 80 жылдыгын майрамдоого даярдык көрүү жана өткөрүү боюнча уюштуруу комитети түзүлдү. Тиешелүү буйрукка министрлер кабинетинин башчысы Акылбек Жапаров кол койду.
Документте уюштуруу комитети бир айлык мөөнөттө Улуу Ата Мекендик согуштагы Жеңиштин 80 жылдыгын майрамдоо боюнча иш-чаралардын планын иштеп чыгып, бекитиши керектиги белгиленген.
Анын курамына министрлер кабинетинин башчысынын социалдык блок боюнча орун басары, президенттик аппараттын жана министрлер кабинетинин кызматкерлери, Жогорку Кеңештин Мыйзамдуулук, укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин төрагасы, министрлер жана өкмөттүн жана мамлекет башчысы облустардагы ыйгарым укуктуу өкүлдөрү, Бишкек жана Ош шаарларынын мэрлери, ошондой эле Коргоо министрлигинин ардагерлер кеңешинин төрагасы Мырзакан Субанов, экс-премьер-министр Феликс Кулов жана Согуш, эмгек, Куралдуу күчтөрдүн ардагерлер кеңешинин төрагасы, Укук коргоо органдары жана ички иштер кызматкерлери КР Токтогул Какчекеев кирди.
