Кыргызстанда 2025-жылы суу эсептегичтер чыгарыла баштайт
2025-жылы Кыргызстанда суу эсептегичтер чогултула баштайт. Бул тууралуу Жогорку Кеңештин жыйынында суу чарба, айыл чарба жана кайра иштетүү министринин орун басары Алмазбек Сокеев билдирди.
Анын айтымында, учурда аталган башкармалык суу эсептегичтерин чыгарган ишкана менен сүйлөшүүлөрдү жүргүзүп жатат.
«Өлкөбүздө өндүрүш үчүн эсептегичтер керек. Болбосо, импорттогондо бузулуп калса оңдой албайбыз. Кудай буюрса эмки жылы монтажды баштайбыз», — деди Алмазбек Сокеев.
Жыйында депутат Дастан Бекешев ар бир үйгө «акылдуу» суу эсептегичтерин орнотуу зарылдыгын белгиледи.
Эске салсак, февраль айында бийлик өкүлдөрү «Бишкексууканал» ишканасына бардык абоненттерге эсептегич орнотуу үчүн 4,1 млрд сом керектелерин билдиришкен. Мэрия тургундарды өз эсебинен эсептегичтерди орнотууга милдеттендире турган ченемдик укуктук актыларды кабыл алууну демилгеледи. Муну шаардыктар сууну өтө ысырапкорчулук менен пайдаланбашы үчүн, барган сайын төлөй башташы үчүн сунушталган.
