Дастан Бекешев: Бишкектиктер жумушка жана мектепке өз убагында келе албай жатат
Бишкекте автобустар аз болгондуктан, жарандар жумушка жана мектепке өз убагында жете алышпайт. Бул тууралуу депутат Дастан Бекешев Жогорку Кеңештин жыйынында билдирди.
Ал троллейбустарды Бишкектин жолдоруна кайтарууну суранды. Депутат ошондой эле Батыш автобекетинин шаар чегинен тышкары көчүрүлүшү менен аймактардын тургундарынын Бишкекке жетүү кыйындап калганын белгиледи.
"Алар бул жөнүндө жүз жолу айтышкан, бирок дагы эле бир нерсени талкалаардан мурун, жаңысын куруу керек болчу. Эл түз маанисинде талаада калып, анан Бишкекке жетише албай жатышат. Алардын көбү дарыланууга келишет",-дейт Дастан Бекешев.
Эскерте кетсек, буга чейин муниципалитет 100 троллейбусту Ошко өткөрүүнү сунуштап, Бишкек шаарында байланыш түйүндөрүн демонтаждап баштаганы айрым жарандарды тынчсыздандырган. 29-августтагы сессияда БШКнын депутаттары техникаларды өткөрүп берүүнү жактырышкан. Түштүк борборго алгачкы троллейбустар келди. Бишкектин тургундары троллейбустарды өткөрүү боюнча шаардык кеңештин чечимине нааразы болуп сотко кайрылышкан. Алар бул чечим No1191-VI троллейбустарды сатып алуу боюнча кредиттик келишим боюнча мыйзамга каршы келет жана көптөгөн мыйзам бузуулар менен кабыл алынган деп эсептешет.
Бишкек Ошко 100, Нарынга 6, Баткенге 10 троллейбус белек кылган.
