11:12, 12 ноября 2024, 24.kg
Улуттук гвардияда болгон окуя. Чоо-жайы белгилүү болду
КР Куралдуу күчтөрүнүн Улуттук гвардиясынын аскер бөлүгүнүн жанында болгон окуянын катышуучулары жубайлар болгон. Бул тууралуу Башкы прокуратура билдирди.
Маалыматка ылайык, окуя Бишкек гарнизонунун Аскердик прокуратурасынын маалыматтардын электрондук каттоо журналына катталып, тергөөгө чейинки текшерүүнүн алкагында окуянын катышуучулары жубайлар экени аныкталып, соттук-медициналык экспертиза дайындалган.
Учурда тергөө иштери жүрүп жатат, анын жыйынтыгында тиешелүү юридикалык баа берилет.
Эскерте кетсек, социалдык тармактарда Улуттук гвардиянын көзөмөл-өткөрмө бекетинен аялды сүйрөп чыгып кеткен видео тараган. Видеодо эркек киши Улуттук гвардиядан аялды күч менен сүйрөп чыкканын көрүүгө болот.
0
