12:33, 06 ноября 2024, 24.kg
Бишкек-Ош унаа жолунун тоолуу аймактарында кар көчкү түшүшү мүмкүн
Бишкек-Ош унаа жолунун тоолуу аймактарында кар көчкү түшүшү мүмкүн. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, 6-8-ноябрь күндөрү нөшөрлүү жаан-чачынга байланыштуу Бишкек-Ош унаа жолунун 121-138-чакырымдарында Төө-Ашуу ашуусунда, 198-231-чакырымдарында Ала-Бел ашуусунда жана Чычкан ашуусунда кар көчкү түшүүсү күтүлөт.
Өзгөчө кырдаалдар министрлиги бул аймактарда кар жаашы мүмкүн экенин белгиледи.
0
