Быйыл Кыргызстанда жүк ташуунун көлөмү өстү
Кыргызстанда 2024-жылдын башынан бери жүк ташуунун көлөмү өстү. Мындай маалыматты Улуттук статистика комитети билдирет.
Январь-сентябрь айларында транспорттун бардык түрлөрү менен ташылган жүктөрдүн көлөмү 38,124 миллион тоннаны түзгөнү такталган. Өткөн жылдын ушул мезгилине салыштырмалуу бул көрсөткүч 2,3 миллион тоннага же 7,4 пайызга өскөн.
Сентябрь айында жүк ташуу 2023-жылдын ушул мезгилине салыштырмалуу 1,3 пайызга өскөн. Август айына салыштырганда алардын көлөмү 18 пайызга өстү.
Жүк ташуулардын жалпы көлөмүнөн:
Автомобиль транспорту менен 31,489 миллион тонна ташылды;
темир жол – 6,344 млн. тонна;
түтүктөр - 269,3 миң тонна;
аба аркылуу – 20,9 миң тонна.
Улуттук статистикалык комитеттин маалыматы боюнча, отчеттук мезгилде Кыргыз Республикасында транспорттун бардык түрлөрү менен жүк жүгүртүүнүн көлөмү 2 миллиард 174 миллион тонна-километрди түздү. Бул өткөн жылдын январь-сентябрь айларына салыштырмалуу 6,2 пайызга көп.
