16:50, 01 ноября 2024, 24.kg
Тыныстан Алыбаев бокс боюнча дүйнө чемпионатынын коло байге ээси болду
Кыргызстандык мушкер Тыныстан Алыбаев Черногорияда өтүп жаткан бокс боюнча 17-18 жаштагы жаштар арасындагы Дүйнө чемпиондугунда коло медаль тагынды.
Ал 92 килограммга чейинки салмак ченинде күч сынашкан. Биздин мушкер жарым финалда ирандык атаандашына утулуп, жыйынтыгында үчүнчү орунду ээледи.
Буга чейин Кыргызстандын курама командасынын дагы бир мүчөсү, мушкер Амантур Жумаев да Черногорияда 54 килограммга чейинки салмак ченинде коло тагынганы маалымдалган.
Эске салсак, 20-октябрдан 6-ноябрга чейин Черногорияда бокс боюнча жаштар арасындагы дүйнөлүк чемпионат өтөт. Ага 88 өлкөнүн спортчулары катышууда.
0
