Бишкектин мектептери жаңы жылдан баштап ачылышы мүмкүн. Мындай маалыматты мамлекеттик санитардык-эпидемиологиялык көзөмөл борборунун башкы дарыгери Кубан Кундашев брифингде билдирди.

Айтымында, 14 жашка чейинки балдар арасында COVID-19 менен ооругандардын саны азайган учурда, борбор калаадагы мектептер үчүнчү чейректен баштап штаттык режимде иштөөгө өтөт.

«Ал эми жеке менчик мектептер 6-класска чейинки балдарды офлайн режимде окутуп жатат», — деп эскерте кетти ал.