Мурдагы президент Алмазбек Атамбаевдин бронхити кармап, ооруп калды. Бул тууралуу 24.kg агенттигине анын жактоочусу Сергей Слесарев билдирди.

Айтымында, Атамбаевге бронхит деген диагноз коюлду. Коронавируска тестти ал берген эмес. «Эртеңки Кой-Таштагы окуялар боюнча сот отурумуна Алмазбек Атамбаев катыша албайт окшойт», — деди Сергей Слесарев.

Жактоочу билдиргендей, Бишкек ТЭЦин модернизациялоо жана Терек-Сай кен казуу жайын иштетүү боюнча мыйзамсыз лицензия берүү иштерин караштыруу күнү белгиленген, мындан тышкары Кой-Таш айылындагы жер тилкесин сатып алуу жана пайдалануу келишимин түзүүдөгү жемкорлук боюнча ишти караштыруу күнү да маалым болду.

«Алгачкы угуулар мыйзам бузуулар менен, Алмазбек Атамбаевдин катышуусуз өттү. ТЭЦ жана лицензия боюнча процесс 20-ноябрга, жер тилкелери боюнча — 6-ноябрга белгиленди», — деди Сергей Слесарев.