Швейцария жана Испания окумуштуулары коронавирустун жаңы вариантын аныкташып, аны 20A.EU1 деп аташты. Иликтөө жыйынтыгы medRxiv порталында жарыяланган.

Вирустун жаңы варианты бир катар европалык өлкөлөрдө таркап, айрымдарында 20A.EU1 жуктургандардын саны өсүүдө.

Окумуштуулардын айтымында, вирустун жаңы вариантын жугузгандар алгач Арагон менен Каталонияда аныкталган, анан ал Валенсияга да жеткен. Испанияда 20A.EU1 вирусун жугузгандардын саны 40 пайыздан ашкан.

20A.EU1 вирусун Швейцария, Ирландия жана Улуу Британияда да табышкан, сентябрь айында бул вирусту жугузгандардын саны 40 пайыздан 70 пайызга чейин жеткен.