Ооруканалардагы орундардын 39 пайызы бош турат. Бул тууралуу Саламаттык сактоо министри Алымкадыр Бейшеналиев билдирди.

Анын айтымында, COVID-19 жана эпидемиологиясы такталбаган пневмония менен ооругандарга стационардык жардам көрсөтүү үчүн 5006 койко-орун ишке киргизилди.

«Алардын 39 пайызы бош турат», — дейт ал.

Анын айтымында, күз-кыш мезгилине даярдык көрүүнүн алкагында 8 миң 163 орун каралган. Министрлик күнүгө мониторинг жүргүзүп жата жана зарылчылык болсо адистештирилген саламаттык сактоо уюмдары дагы тартылат. Кошумча койкалар 80 пайыздан ашык керебеттер толгон учурда ачылат.