Баткен облусунда үй шартында той өткөргөн 9 жаранга айып пул салынды. Бул тууралуу өкмөттүн аймактагы ыйгарым укуктуу өкүлүнүн басма сөз кызматы билдирет.

Маалыматка караганда, жалпы облус боюнча 63 мамлекеттик мекеме ишканалардын санитардык абалы текшерилди.

«Үйүндө көп адам топтоп, той өткөргөн 9 жаранга 3000 сомдон айып салынды. Ал эми бир күндө жалпы 133 ар кандай багыттагы ишканалар текшерилип, 25 ишканага, 93 миң сом айыпка жыгылды», — дейт басма сөз кызматы.

Белгилей кетсек, Баткен облусунда дагы да эпидемиологиялык абал кооптуу бойдон сакталууда.