Бишкек шаардык Борбордук мечити № 1-шаардык клиникалык оорукананын 51 кызматкерине 3 мин сомдон акчалай жардам берди. Бул тууралуу Кыргызстан мусулмандрынын дин башкармалыгынын басма сөз кызматы билдирди.

Анын айтымында, бүгүн Бишкек шаардык Борбордук мечит № 1 шаардык оорукананын 51 кызматкерине 3 000 сомдон акчалай жардам көрсөтүп, аны менен катар 100 даана N95 тибиндеги беткап берген.

Бул иш-чарага Бишкек шаардык казыятынын өкүлү Муктарбек ажы Джусупбеков жана жеке ишкер Сталбек Акматов катышып, медицина кызматкерлерине жасап жаткан эмгектери үчүн ыраазычылык билдиришкен.