Ошко Москвадан 301 кыргыз жараны кайтып келди. Бул тууралуу ТИМдин пресс-кызматы маалымдады.

Анын айтымында, алар «Аэрофлот» авиакомпаниясынын Москва — Ош аба каттармы аркылуу келишкен.

Министрлик жүргүнчүлөрдүн тизмеси кыргыз диаспорасынын өкүлдөрү, Москвадагы кыргыз медициналык клиникасынын дарыгерлери жана Россиядагы Кыргызстандын элчилигинин кызматкерлери түзгөн комиссия тарабынан түзүлгөнүн кошумчалады.

«Россиядагы жогорку окуу жайларда окуган студенттер, кош бойлуу аялдар жана кичинекей балдары бар аялдар учуп келишти. Ошондой эле Россияга операция жасатканга баргандар, жакындарынан айрылган жарандар, оор турмуштук кырдаалга туш болгондор дагы бар», — деп берилет маалыматта.