Бишкек жана Ош шаарларында 100 орундуу эки оорукана курууга даярдык көрүлө баштады. Бул тууралуу президенттин басма сөз кызматы маалымдады.

Анын айтымында, борбордо Республикалык клиникалык инфекциялык оорукананын аймагынан курулушка жер тилкеси дайындалган.

Сооронбай Жээнбеков Бишкек жана Ош шаарларына тез курулуучу конструкциядан ооруканаларды куруу боюнча өкмөттүк демилгени колдоого алды.

Ал эми Бишкек шаарынын мэриясы борборго инвесторлорду тартуу менен көп профилдүү оорукана куруу маселесин дагы иштеп жатканын билдирди.