Өткөн сутка ичинде 2 бейтап COVID-19 инфекциясынан каза болду. Бул тууралуу Саламаттыкты сактоо министрилигинин өкүлү Айнура Акматова брифингде билдирди.

Анын айтымында, Жайыл аймактык ооруканасында коронавирус ырасталган 58 жаштагы эркек жана 67 жаштагы аял көз жумду.

Пневмониядан өлкө боюнча бир суткада 45 бейтап каза болду. Алардын 23ү аймактарда, 22и Бишкек шаарында набыт болушту.

Вирус жалпы каза болгондордун саны 147 кишини түзсө, пневмониядан 497 адам өлдү.