Саламаттыкты сактоо министри Сабиржан Абдыкаримов менен анын орун басары Нурболот Үсөнбаев коронавируска анализ тапшырышты. Бул тууралуу мекеменин өкүлү Айнура Акматова билдирди.

Белгилей кетсек, буга чейин министр жана анын эки орун басары ооруп жатканы маалымдалган.

Айнура Акматованын айтымында, Сабиржан Абдыкаримов менен Нурболот Үсөнбаев гана сыркоолоп жатат. Экөөнүн тең абалы канааттанырарлык.

«Учурда экөө тең ооруканада. Алар вируска анализ тапшырышты. Жыйынтыгын маалымдайбыз», — дейт ал.