Бишкеке Беларусиядан 118 кыргызстандык кайтып келди. Бул тууралуу ТИМдин пресс-кызматы маалымдады.

Белгилүү болгондой, кыргызстандыктар Avia Traffic Company авиакомпаниясынын Минск — Бишкек каттамы аркылуу келишкен.

«Жарандардын тизмеси Кыргызстандын Беларусиядагы элчилиги тарабынан түзүлгөн. Рейс аркылуу Беларусия, Украина, Венгрия, Улуу Британия, Германия, Литвия, Латвия, Словакия, Сербия, Испания, Италия, Румыния, Нидерландия, Польша, Франция, жана Швейцариядагы кыргыз жарандары жана студенттер келишти», — деп берилет маалыматта.

Чек жактагы мекендештерди Кыргызстанга алдырып келүү иши уланууда.

Эске сала кетсек, пандемиядан улам Кыргызстанга чет жерлерден 20 миңден ашуун кыргызстандык кйтып келген.