Кыргызстан боюнча бир сутка ичинде 314 жаңы учур катталды. Бул тууралуу саламаттыкты сактоо министринин орун басары Мадамин Каратаев брифингде билдирди.

Анын айтымында, коронавирус илдетине чалдыккандардын көбү Бишкек шаарында.

Бишкек шаарында 161, Чүй облусунда 25, Ош шаарында 41, Ош облусунда 26, Жалал-Абад облусунда 15, Баткен облусунда 10, Ысык-Көл облусунда 21, Нарын облусунда 15 жаңы учур катталды.

Өлкө боюнча илдетке чалдыккандардын саны 7 миң 691ге жетти.