Ысык-Көлдө жол кырсыктан улам төрт адам каза болду. Бул тууралуу ӨКМдин пресс-кызматы маалымдады.

Анын айтымында, Балыкчы — Бөкөнбаев — Каракол унаа жолунун 48-чакырымында «Хонда-Степвагон» жана «Ауди-100» унаалары сүзүшкөн. Жол кырсыктан улам төрт адам каза болуп, дагы экөө жаракат алган.

«ӨКМдин кызматкерлери маркумдардын сөөктөрүн унаадан алып чыгып, милиция кызматкерлерине өткөрүп беришти. Жабыркагандар тез жардам унаасы менен ооруканага жеткирилди», — деп берилет маалыматта.