Бишкек шаарындагы № 1 ооруканадагы 170 орун пневмония менен кайрылган бейтаптарга толду. Бул тууралуу брифингде саламаттыкты сактоо министринин орун басары Мадамин Каратаев билдирди.

Анын айтымында, эртең мененки маалымат боюнча Бишкектеги Урология борборундагы бош 17 орун бар.

«Урология борбору менен № 1 оорукананы биз оор абалдагы бейтаптар үчүн колдонулу дегенбиз. Орточо абалдагыларды «Гансиге» жөнөтөбүз. Азыр ал жакка 130 адам жаткырылып, 70 орун бош. Кошумча дагы 200 орун даярдалууда», — деди Мадамин Каратаев.

Өкмөт Бишкек боюнча 750 орун даярдамакчы.

Дайыр Асанов атындагы аскердик лицейде дагы 150 орун ачылат. Бирок, ал жерге керебеттен сырткары дагы тийиштүү жабдуулар жана медиктер керек.

Мадамин Каратаев.