Эмгек жана социалдык өнүктүрүү министри Улукбек Кочкоров эстрада ырчысы Айгерим Расул кызын карантин учурунда жардамга муктаждарга көмөк көрсөткөндүгү үчүн Ардак грамота менен сыйлады. Бул тууралуу ырчы айым Instagram баракчасына бөлүштү.

Маалым болгондой, карантин учурунда кайдыгер карабаган инсандарга сыйлык тапшырылган.

«Ардак грамота менен сыйландым. Карантин маалында кыргыз элине кайдыгер карабаган инсандарды өкмөт жана Социалдык өнүктүрүү министрлиги жогору баалап «Ардак грамота» сыйлыгы менен сыйлашты. Министрибиз Кочкоров Улукбек Тойчубаевичке терең ыраазычылык билдирем. Элибизде тынчтык, ынтымак болсун!», — деп жазган.

Эске сала кетсек, буга чейин министр Улукбек Кочкоров актер Эрнис Бөрүбаевге карантин учурундагы кайрымдуулук иштери үчүн сыйлык тапшырып, министридин коомдук кеңешчиси күбөлүгүн ыйгарган.