Бир сутка ичинде 24 медициналык кызматкерден коронавирус аныкталды. Бул тууралуу республикалык штабдын маалымат жыйынында саламаттыкты сактоо министринин орун басары Нурболот Үсөнбаев билдирди.

Анын айтымында, акыркы сутка ичинде коронавируска чалдыккан дарыгерлердин көбү Чүй облусунда катталды.

Бишкек шаарында — 7, Чүй облусунда — 8, Ош шаарында — 3, Ош облусунда — 1, Нарын облусунда — 3, Талас облусунда — 1, Жалал-Абад облусунда — 1 учур.

Ал эми стационарлардан сутка ичинде 8 медкызматкер айыгып чыгарылды.

Кыргызстан боюнча жалпы медициналык кызматкерлер арасында 533 учур катталды, алардын ичинен 381 медкызматкер стационарлардан айыгып чыккан.