Бишкекте батуттарды жана велосипеддерди ижарага берүүчү жайлар менен ар кандай түрдөгү майда-барат жеке сатыктар токтотулду. Бул тууралуу мэриянын басма сөз кызматы билдирди.

Анын айтымында, тийиштүү буйрукка вице-мэр Азиз Алымкулов кол койгон.

Ыйгарым укуктуу органдын атайын буйругунун жана борбордогу эпидемиологиялык абалды жакшыртуудан кийин ишкерлер ишин уланта алышат.

Шаардык мэрия ыйгарым укуктуу органдын чечимин, буйругунун же талабынын аткарылыш тартиби бузулгандыгы үчүн ишкерлер жоопко тартылышы мүмкүн экендигин белгилейт (Мыйзам бузуу кодекси).