8-июндан диний мекемелер иштеп баштайт. Бул тууралуу өкмөттүн басма сөз кызматынан билдиришти.

Алардын маалыматында, мечиттер, чиркөөлөр жана намазканалар иштеп баштайт.

Бул жайларда санитардык чаралардын сакталышын текшерүүнүн жана көзөмөлдөөнүн алгоритми: бет кап тагынуу, кире бериштен келгендердин дене табын өлчөө, социалдык аралыкты сактоо камсыз кылынышы керек.

Республикалык штаб өлкө аймагында карантин күчүндө экенин эскертет. Ошондуктан, жарандар санитардык-гигиеналык нормаларды, анын ичинде коомдук жайларда сөзсүз түрдө бет кап тагынууга тийиш.