Укук коргоочу Камил Рузиев ооруканага жатып калды. Бул тууралуу анын баласы 24.kg агенттигине маалымдады.

Анын айтымында, укук коргоочунун кан басымы көтөрүлүп кеткен.

«Атам стресстен жана ачкалыктан улам кечээ кан басымы көтөрүлүп, ооруканага жатып калды. Ал азыр Ысык-Көл облустук ооруканасында. Эртең, УКМК тарабынан атама байланыштуу бир нече соттук териштирүү иштери болмок», — дейт ал.

Эске сала кетсек, 29-майда УКМКнын кызматкерлери укук коргоочу Камил Рузиевди Караколдон кармашкан. Ал эми 31-майда Каракол шаарынын соту Камил Рузиевди үй камагына бошоткон.