Бишкек-Нарын-Торугарт унаа жолундагы кырсыктын кесепетинен бир адам каза болуп, төрт адам жабыр тартты. Бул тууралуу ӨКМдин басма сөз кызматы билдирди.

Жол кырсыгы бүгүн саат 00.13 чамасында Кубакы ашуусунда болгон.

«Mercedes Benz жана Toyota Highlander үлгүсүндө автоунаалар сүзүшүп, кырсыктын кесепетинен бир адам каза болуп, дагы төртөө жаракат алган. Авария болгон жайга ыкчам куткаруу тобу барып маркумду унаадан чыгарып алышты», — деп билдирет ӨКМдин басма сөз кызматы.