Ош облусунда дагы 12 жарандан COVID-19 вирусу аныкталды. Бул тууралуу саламаттыкты сактоо министри Сабиржан Абдимкаримов билдирди.

Анын айтымында, жуктургандардын үчөө эркек жана тогузу аял.

«Алардын баары Ош облусунда обсервацияда жайгашкан болчу», — дейт министр.

7-апрелге карата Кыргызстанда COVID-19 инфекциясын жуктургандардын саны 228 түздү. Бишкекте — 25, Жалал-Абад облусунда — 80, Ош облусунда — 86, Ош шаарында — 20, Баткен облусунда — 4, Нарын облусунда — 5, Ысык-Көл облусунда — 3, Чүй облусунда — 5 кишинен вирус аныкталды.

«Кечээ 23 кишиден вирус аныкталды. Бейтаптардын 10 оор абалда», — дейт Сабиржан Абдикаримов.