Коронавирус менен күрөшүү боюнча административдик эсепке 83,5 миллион сом топтолду. Бул тууралуу республикалык штаб маалымдайт.

Акча каражаты мамлекеттик мекемелердин кызматкерлеринин, жетекчилеринин, Жогорку Кеңештин депутаттарынын, саясатчылардын, ишкерлердин атынан топтолгон. Арасында бир айлык пенсиясын которгон инсандар дагы бар.

Эң аз акчаны белгисиз жаран телефон номери аркылуу 80 сом которсо, эң көбүн ишкер Азат Исакунов (10 миллион сом) берген.

Белгилей кетсек, калоочулар акчаны  Финансы министрлигинин Борбордук казыналыгында ачылган № 4402011000101373 «Кыргыз Республикасынын Саламаттык сактоо министрлиги – коронавирус боюнча иш-чаралар»(БИК 440001) администрацияланган эсебине жөнөтө алышат.

Акчаны Жогорку Кеңештин депутаттарынан, жарандык коом жана мамлекеттик кызматкерлерден түзүлгөн комиссия бөлүштүрөт.