Коронавирус илдетин тез арада аныктоочу 5 миң экспресс-тест Саламаттык сактоо жана Тышкы иштер министрликтери аркылуу Кытайдан сатып алынды. Бул тууралуу Саламаттык сактоо министрлиги кабарлады.

Бул тест менен илдетти 20 мүнөттүн ичинеде аныктоого болот. Адистер бул экспресс-тест менен иштей башташат. Алар аймактарга бөлүнүп берилди. 

Саламаттык сактоо министрлигинин маалыматы боюнча, мындай тест Кытайда жана Түштүк Кореяда абдан натыйжалуу болгонун көрсөттү.