Кыргызстанда күнүнө 70 миң бет кап тигилип жатат. Бул тууралуу Жогорку Кеңештин жыйынында премьер-министр Мухаммедкалый Абылгазиев билдирди.

Анын айтымында, коронавирус боюнча дүйнөдө кырдаал курчуп бара жатканда эле Кыргызстанда 3,5 миң маска болчу. Аны 3 күн ичинде сатып алып коюшкан.

«3,5 миллион масканын 1,5 миллиону табылды. Аны чет өлкөгө алып чыгып кетүүгө аракеттенишкен. Андан тышкары, айрым кызылкулактар сатып алып, катып коюп, кийин сатам дегендер бар», — деди ал.

Өкмөт башчы учурда Ош, Бишкекте бет кап тигилип, күнүнө 70 миң маска чыгып жатканын билдирди.

Белгилей кетсек, Бишкек шаарындагы дарыканаларда дагы эле медициналык маскалар тартыш. Саламаттыкты сактоо министрлиги баасы 10 сомдон кымбаттатууга тыюу салган. 

Айрым активисттер дагы элди бет кап менен камсыз кылууда.