Жалал-Абад шаардык мэриясынын имаратына бүгүнтөн тартып кызматкерлерден башка жарандар киргизилбейт. Бул тууралуу Жалал-Абад шаардык мэриясынан билдиришти.

 Кызматкерлер телефон аркылуу иш алып барышат. Башка мекемелерге дагы ушундай тартип менен иштөө сунушталууда.

Маалыматка ылайык, Бүгүн Сузак районунда коронавирус катталгандыгына байланыштуу Жалал-Абаддагы мамлекеттик мекемелер менен ишканаларга вирусту алдын алуу ирээтинде күчөтүлгөн тартипти кабыл алды. Анда мекемелердин кызматкерлеринен башка бир дагы адам имаратка кире албайт. Ал эми кызматкерлер менен телефон аркылуу гана байланышууга болот.

 Эске сала кетсек, Сузакта Сауд Арабиядан келген 3 жарандан коронавирустун симптомдору аныкталды.