Индиядагы Азия чемпионатынан алтын байге уткан Улукбек Жолдошбеков күрөш учурунда көзүн жабыркатып алды. Бул тууралуу ал өзү Бишкекке учуп келгенден кийин аэропортто билдирди.

Спортчунун көзүнө Иран балбанынын колу кирип кеткен.

«Ага карбай финалга чыктым, дары табылып, жакшы болуп калгандан кийин мелдешти уттум. Бирок, дүйнө чемпиону болобу, азия чемпиону болобу көзүн жакшы көрбөй жатса кыйын экен», — дейт ал.

Улукбек Жолдошбаев 2019-жылы 23 жашында Азия жана дүйнө чемпиондугун жеңип алган. Ал Кыргызстандын мыкты спортчу катары дагы таанылган.